تحارير برائے زمرہ: 'اقتباسات' ...

ٹینس کے مشہور امریکی سیاہ فام کھلاڑی آرتھر رابرٹ ایش(1943 تا 1993)) جب دل کی سرجری کے دوران متاثرہ خون کی منتقلی سے لاحق ہونے والی ایڈز کی بیماری سے نبرد آزما تھے تو ان کے کسی مداح نے پوچھا کہ "آخر خدا نے آپ ہی کو اتنی مہلک بیماری کا شکار ہونے کیلیے کیوں چنا؟"
ایش نے جواب دیا، "دنیا میں پانچ کروڑ بچے ٹینس کھیلنا شروع کرتے ہیں، پچاس لاکھ ٹینس سیکھتے ہیں، پانچ لاکھ پیشہ ورانہ ٹینس سیکھتے ہیں، پچاس ہزار ٹینس سرکٹ میں آتے ہیں، پانچ ہزار کسی بڑے ٹورنامنٹ(Grand Slam) میں پہنچتے ہیں، پچاس ومبلڈن میں پہنچتے ہیں، چار سیمی فائنل میں پہنچتے ہیں اور دو فائنل میں۔۔۔۔جب میں ومبلڈن کپ تھامے کھڑا تھا میں نے خدا سے نہیں پوچھا تھا کہ "میں ہی کیوں؟" سو آج مجھے اس درد میں بھی نہیں پوچھنا چاہیے کہ "میں ہی کیوں؟"